ОҚО ІІД хабарлағандай, Шардара ауданындағы мектептің меңгерушісіне қатысты «Бұзақылық» фактісі бойынша сотқа дейінгі тергеу амалдары жүргізілді. Іс сотқа жолданды,-деп хабарлайды ҚазАқпарат.
Амангелді Иманов атындағы мектептің меңгерушісі мас күйінде әріптестерімен сөзге келіп қалып, аң аулауға арналған қарудан оларға оқ атқан. Оқыс оқиға 29 желтоқсанда кешке орын алды. Алайда ешкім жапа шекпеді. Бұл мұғалім 5 жылдай мектепте жұмыс істеп келеді, қазір де осы оқу ордасында қызмет атқарып жатыр.
Фото: altaynews.kz
