Сенаттың жалпы отырысында депутаттар палата қызметінің регламентіне өзгерістер мен толықтырулар енгізу туралы мәселені қарады, деп хабарлайды ҚазАқпарат
«Сенат регламентіне сәйкес, маған берілген құқықты пайдалана отырып, регламентке палатаның қызметін ұйымдастыруға қатысты кейбір нормаларды нақтылау мақсатында түзетулер енгізуді ұсынамын», - деді Сенат Төрағасы Қасым-Жомарт Тоқаев.
Оның айтуынша, түзетулер ынтымақтастық жөніндегі топтарды құру бойынша өкілеттікті Сенат Бюросына беруді қарастырады. «Бұдан бөлек, «Құқықтық актілер туралы» заңның қабылдануына байланысты заң шығармашылық жұмысының тұжырымдамалық жоспарын келісу тәртібіне қатысты қаулы қабылдайтын боламыз», - деді Сенат спикері.
Аталған қаулыны 45 депутат бір ауыздан қолдап, қабылдады.
Қанат Мәметқазыұлы
Фото:inform.kz
