Президент жаңа Парламентке электр энергиясы туралы заңға өзгерістер енгізуді тапсырды. Жиын барысында Елбасы алтыншы Парламенттің заң шығармашылығындағы атқарылатын негізгі міндеттеріне тоқталып өтті.
Электр энергиясы туралы жаңа заң қабылдау керек. Бүгін Парламенттің VI шақырылымының бірінші сессиясының ашылуына арналған ҚР Парламенті палаталарының бірлескен отырысында ҚР Президенті Нұрсұлтан Назарбаев осылай мәлімдеді.
Жиын барысында Елбасы алтыншы Парламенттің заң шығармашылығындағы атқарылатын негізгі міндеттеріне тоқталып өтті.
«Жер қойнауы және жер қойнауын пайдалану туралы Кодекстің қабылдануына орай осы саланы реттейтін барлық нормалар бір ғана заңнамалық актіге шоғырланатын болады. Үшіншіден, қолданыстағы электр энергетикасы туралы заңнамаға өзгерістер енгізу қажет. Бұл энергия тасымалдаушы ұйымдарды ірілендіру үшін қажет», - деді Н. Назарбаев.
Фото: akorda.kz
