Мектеп бағдарламасындағы дене шынықтыру пәнінің жүйесі өзгермек. Алдағы оқу жылында оған ұлттық ойындар сағаты енгізіледі. Бұл жөнінде бүгін облыстық білім басқармасына қарасты аймақтық оқу-практикалық дене тәрбиесі орталығының басшылығы мәлімдеді, деп жазады otyrar.kz.
Мамандардың айтуынша, әр сыныпта 9 айдың ішінде кемінде 102 сағат дене тәрбиесі сабағы бар, қазір оның 50 пайызын ұлттық ойындарға бағыттау қажеттілігі туындаған. Бұған ел аумағындағы спорттық сайыстарда ұлттық ойындар санының артуы себеп.
Сондай-ақ, халықаралық деңгейде оны дамыту аса маңызды. Ал көшбасшы толағайларды тәрбиелеу үшін қазір күнгейлік білім саласының мамандары жүйелі жоспар түзуге кірісіпті. Алдымен әдістемелік кітаптарды жинақтап, жаңа кадрлардың біліктілігін арттыруға бет бұрды.
Фото:surak.szh.kz
