Семейде жеңіл көлік ағашқа соғылды, бес адам оқиға орнында қаза болды, бір адам ауруханаға жатқызылды деп хабарлады Қазақстан жаңалықтары АА-ға, Шығыс Қазақстан облысы ІІД баспасөз қызметінің жетекшісі Бақытжан Торғаев.
Апат 26 сәуірде кешкі 22 сағат шамасында Гагарин-Шугаев көшелерінің қиылысында орын алған.
"Рено-Сандеро" маркалы көлік жолдан шығып кетіп, ағашқа соғылған, бес адам оқиға орнында қаза болды, бір адам ауруханаға жатқызылды", -деді Торғаев телефон арқылы.
Оның айтуынша, қаза болғандардың барлығы ер адамдар.
Апат фактісі бойынша ҚР ҚК 345-бабы 4-бөлігі бойынша қылмыстық іс қозғалды.
Сот алды тергеу жүргізілуде. Сараптама тағайындалды.
Фото:gx.net.ua
