Қазақстанда «Келімсек-2016» жедел-алдын алу шарасының бірінші кезеңі аяқталды. Бұл туралы Алматы телеарнасы, ҚР ІІМ баспасөз қызметі берген ақпаратқа сілтеме жасап хабарлайды.
16-20 мамыр аралығында өткен тексеріс кезінде елімізде болу ережесін бұзғаны үшін 17 мың шетел азаматы әкімшілік жауапкершілікке тартылды. Сот шешімімен 1 635 адам ел аумағынан шығарылды.
"Шетелдік жұмыс күшін тарту және пайдалану ережесін бұзғаны үшін 1 700-ден астам тұлға әкімшілік жауапкершілікке тартылды. Іздеуде жүрген 80 адам ұсталды. Оның екеуі алыс шетел, бесеуі ТМД азаматы.. Көші-қон заңнамасын бұзғаны үшін Сот алды тергеудің бірыңғай реестріне 187 қылмыстық құқық бұзушылық тіркелді",- делінген хабарламада.
Фото: almaty.tv
