Саз станциясында жүк пойызының 12 вагоны жолдан шығып кетті, салдарынан 8 жолаушылар пойызы уақытынан кешігуде деп хабарлайды ҚазАқпарат «ҚТЖ» ҰК» АҚ баспасөз қызметі берген ақпаратқа сілтеме жасап.
2016 жылғы 7 қарашада таңғы 5 сағат 18 минутта Алматы жол бөлімшесінің Алматы-Отар желісіндегі Саз станциясында екінші жолдан №2851 жүк пойызының 12 вагоны шығып кетті.
Оқиға орнында Алматы жол бөлімшесінің қалпына келтіру пойызы жұмыс істеуде.
8 жолаушылар пойызы кестеден кешікті. Пойыз қозғалысын қалпына келтіру жұмыстары жүргізілуде. Пойыз қозғалысы алдағы үш сағатта қалпына келтірілетін болады. Апат себебін анықтау үшін «ҚТЖ» ҰК» АҚ жанынан арнайы комиссия құрылды.
Фото: inform.kz
