Бүгіннен бастап «Қазақстан аруы - 2016» байқауына билеттер сатылады. Байқау 10 желтоқсанда сағат 18:00 Бейбітшілік және келісім сарайында өтеді. Билеттерді онлайн-режимде https://m.ticketon.kz/event/miss-kazakhstan-2016 электронды сервисі арқылы сатып алуға болады. Құны 1500 теңгеден жоғары.
Еске салайық, биыл 1997 жылы негізі қаланған «Қазақстан аруы» ұлттық байқауының құрылғанына 20 жыл толады. Финал бағдарламасы көрермендерді тәнті етпек. Ұлттық байқауда 25 бойжеткен бақ сынайды. Оған алғаш рет «Instagram» арулары қатысады. «Қазақстан аруы - 2016» финалының билеттерін сатудан түскен қаржы тұрмысы төмен отбасыларға беріледі.
Фото: Baq.kz
