Екі жігіт зейнеткерді тонап кетті. Оқиға Шымкент қаласында болған. Өздерін санақ жүргізуші ретінде таныстырған күдіктілер қарияның сеніміне кіріп, баспанасына кірген, деп жазады "Еуразия" Бірінші арнасы.
Үй ішінде түрлі әңгімелерді айтып отырғанда, бірі зейнеткердің 1 миллион 600 мың теңгесін қалтасына басқан. Сөйтіп, тез арада іздерін жасырып үлгерген. Аяқ астынан бар жиған тергенінен айырылып қалған қария бірден тәртіп сақшыларына хабар беріпті. Шұғыл іздестіру шарасы кезінде 1989 жылы туған күдіктілер ұсталды. Екеуі де Қостанай облысының тұрғындары екен. Қазір, олар уақытша қамауға алынды.
«Қазіргі таңда, күдіктілер қолға түсті. Оларға қатысты қылмыстық іс қозғалды. уақытша ұстау абақтысына жабылды. Сотқа дейінгі терегу амалдары жүргізілуде» — Әл-Фараби аудандық Ішкі істер басқармасының тергеушісі Арман Тәкешов.
Фото: Neva.Today
