73 жастағы балықшы әйел мұз астына түсіп кетті. Бірақ Жайық өзені оны құрбандыққа қабылдамады. Вера әжейді өзі сияқты балықшылар құтқарып алды, деп жазады "Ақ Жайық" газеті.
Облыстық ТЖД ақпараты бойынша, оқиға туралы қоңырау сағат 14.24-те түскен: Жилгородок пен Авангард арасындағы жаяу жүргінші көпірінің маңында мұз астына адам түсіп кеткен.
Оқиға орнына Батыс өңірлік аэромобильді жедел құтқару жасағының тобы барады.
Олар 16 минуттан кейін жетеді, бірақ 1944 жылғы әйелді куәгерлер өз күштерімен мұз астынан шығарып алған. Жедел жәрдем көлігі де жетті, бірақ әйел аурухана барудан бас тартып, үйіне өзі кетіп қалды.
Фото: azh.kz
