Қазақстандағы ҚХР Төтенше және өкілетті елшісі Чжан Ханьxой Қытайда танымалдыққа ие болған Димаш Құдайбергеновті қытайлық туристер мен инвесторлардың Қазақстанға қызығушылығын тудырған «құбылыс» деп атады. Елшінің айтуынша, қытайлықтардың көбі Димашты біледі, деп хабарлайды BNews.kz.
«Оның қытайлықтардың Қазақстанға деген қызығушылығын туғызғаны сөзсіз. Димашты біз Қазақстанның қытайлықтарға ықпалын арттырушы деп атай аламыз. Димаш Қазақстанның келбеті, сондықтан да қытайлық туристер мен инвесторлар осы елге көптеп тартылатын болады. Бұл сіздерге арналған бонус, үлкен қуаныш. Мен сіздерді құттықтаймын!» - деді Қазақстандағы ҚХР Төтенше және өкілетті елшісі Чжан Ханьxой баспасөз конференциясы барысында.
Оның айтуынша, Қытайда телеарналарда көрсетілетін ойын-сауық және мәдени бағдарламалар үлкен танымалдыққа ие, Димаш солардың арқасында үлкен жетістікке жетті. Қытайлықтардың көбі оны біледі.
Фото: bnews.kz
