Атырау қаласының прокуроры Руфат Құттықовтың бастамасымен Атырау политехникалық колледжінің мәжіліс залында жастарға арналған еркін алаң ұйымдастырылды, деп жазады zakon.kz.
Шара барысында қоғамда орын алған мәселер бойынша жастардың пікірлері қызу талқыға салынды.
Яғни, жастар арасындағы құқық бұзушылық, суицид фактілері, жұмыссыздық, мамандық таңдау секілді өзекті сұрақтар қозғалып білім ұйымдарының көшбасшыларының ұсыныстары тыңдалды.
Сонымен қатар, қала прокуратурасы және «Oil vine», «Аllmoon» жастар ұйымымен бірлескен түрде жасөспірімдер арасында құқық бұзушылық профилактикасына қатысты түсірілген бейне роликтің тұсау кесері өткізілді.
Жастардың сұрауы бойынша аталған еркін алаң форматындағы жиындар өзге білім ордаларында өткізілетін болады.
