Павлодарда Гагарин көшесі, 89 мекенжайы бойындағы бес қабатты тұрғын үйден 20 адам құтқарылды, деп хабарлайды pavlodarnews.kz.
Облыстық ТЖД баспасөз қызметінің мәліметінше, кезекшілік бөліміне хабарлама сағат кешкі алтыда түскен.
- Үшінші қабатта қоқыс пен қоқыс құбыры өртенген. Қызыл жалын үш шаршы метр аумақты шарпыған. Оқиға орнына бір бірлік техника жұмылдырылды. Құтқарылғандардың бесеуі - балалар. Тілсіз жаудың шығуына отты абайсыз қолдану себеп болған. Өрт сағат 18:40-та орын алған, сағат 18:59-да толығымен сөндірілді. Зардап шеккендер мен келтірілген шығын жоқ, - деді департаментте.
Фото: pavlodarnews.kz
