Павлодарлық полицейлер 30 бас жылқыны ұрлап кеткен екі барымташыны қолға түсірді. Олардың бірі кәмілеттік жасқа толмаған 17 жастағы бозбала болып шықты, деп хабарлайды pavlodarnews.kz.
Облыстық ІІД баспасөз қызметі хабарлағандай, полицияға Май ауданының тұрғындары белгісіз адамдар мал жайылымынан 30 бас жылқы ұрлағаны жөнінде шағымданған.
Іс-шара өткізу барысында тәртіп сақшылары барымташылардың ізіне түсті. Полицейлер Шығыс Қазақстан облысының екі тумасын ұстады: кәмелеттік жасқа толмаған 17 жастағы жігіт пен осыған дейін ұқсас қылмыс жасағаны үшін сотталған 55 жастағы ер адам. 55 жастағы күдікті жұмыс істеген Май ауданының басқа мал жайылымында орналасқан құдықтан тергеушілер жылқының 20 тобығын анықтады, тобықтар жәбірленушімен расталды.
Сондай-ақ тергеу барысында күдікті айдап кеткен 20 бас жылқы малын Семей қаласының кәсіпкер әйеліне сатқаны, ал қалған тоғыз бас жылқыны етке сойғаны анықталды.
Жылқыларды тиісті құжаттарсыз сатып алғаны үшін Семей қаласының тұрғынына да қатысты шаралар қабылданатын болады.
Осы жағдайға қатысы ұрлау бабы бойынша сотқа дейінгі тергеу жүргізілуде. Күдіктілер абақтыда отыр.
Малды келісімшарт негізінде, материалдық жауапкершілігі белгіленген үлгіде, тұрақты тіркелген мекенжайы бар және халықтың сеніміне ие болған азаматтарға жаюға сеніп тапсыру қажет.
Мал жоғалған кезде дереу ауылдық округке қызмет көрсететін учаскелік полиция инспекторына, ал ол жоқ болған кезде кезекші бөліміне хабарлау керек.
Фото: pavlodarnews.kz
