Мәселен, қызылша 59 есе, «В» гепатиті тұрғындар арасында 23, ал балалар арасында 52 есеге азайған. Бұл туралы бүгін Астанада өткен ғылыми конференцияда айтылды, деп хабарлайды Хабар 24 арнасы.
Отандық медицина саласының мамандары Германия, АҚШ, Израиль, Ресей сынды мемлекеттерден келген шетелдік әріптестерімен тәжірибе алмасты. Екі күнге созылатын шара аясында жұқпалы індеттердің алдын-алу мәселесі талқыланады.
Сала мамандары: «Африка мен Азия халқының Еуропа мен ТМД аумағына қоныстануы елімізде тіркелмеген инфекция түрлерінің таралуына зардабын тигізуі мүмкін», – дейді. Сондай-ақ туризм және сауда-экономикалық қарым-қатынас дамыған сайын қауіп күшейіп тұр.
Динагүл Баешева, «Астана медицина университеті» АҚ кафедра меңгерушісі:
– Біз шетелдерге барып тұрамыз. Таиланд, Үндістан дейсіз бе. Ол жақта өздерінің аурулары бар. Соларды алып келуіміз мүмкін. Пайда болмас үшін біз әрқашан да дәрігерлерге айтып, үйретіп, бір-бірімізбен тәжірибемізбен бөлісіп жатырмыз.
Фото:Likar.info
