Орал қаласына қарасты Зашаған елді мекенінде белгісіз біреу 22 қазан күні кешкі сағат 21:00-де жаяу жүргіншіні қағып кетіп, оқиға орнынан қашып кеткен. Ер адам сол жерде қаза тапты, деп хабарлайды Baq.kz ақпарат агенттігі «Мой город» порталына сілтеме жасап.
Орал қаласы ІІБ жергілікті полиция қызметінің басшысы Мүслім Жәрдемовтің айтуынша, жаяу жүргіншіні жүк көлігі не автобус қағып кеткен.
«Біз қазір жол апаты болған жерде асфальттегі ізді тексеріп жатырмыз. Ізге қарап жаяу жүргіншіні жеңіл көлік емес, жүк көлігі немесе автобус қағып кеткенін байқауға болады», - дейді Мүслім Жәрдемов.
Оқиға орнында полиция қызметі жұмыс істеп жатыр.
Фото: news.liga.net
