ҚР Қорғаныс министрі Иманғали Тасмағамбетов кезектен тыс сайлауда дауыс берді

Zakon.kz

Кезектен тыс сайлауда дауыс беруге ҚР Қарулы Күштерінің өкілдері мен олардың отбасы мүшелері қатысуда.

Қазақстан Республикасының Қорғаныс министрі Иманғали Тасмағамбетов сайлау учаскесіне келіп, барлық деңгейдегі мәслихаттар мен партиялық тізім бойынша ұсынылған ҚР Парламенті Мәжілісі депутаттарының кезектен тыс сайлауында дауыс берді. ҚР Қорғаныс министрі Иманғали Тасмағамбетов Назарбаев университетінде ұйымдастырылған № 97 сайлау учаскесінде өз азаматтық парызын орындады, деп хабарлайды zakon.kz, қорғаныс министрлігінің баспасөз қызметі берген ақпаратқа сүйеніп.

Кезектен тыс сайлауда дауыс беруге ҚР Қарулы Күштерінің өкілдері мен олардың отбасы мүшелері қатысуда. Олардың арасында Қорғаныс министрлігі, Бас штабы мен ҚР Қарулы Күштер құрылымдық бөлімшелерінің, орталық бағыныстағы бөлімдер мен мекемелердің, ҚР ҚК Құрлық әскерлері, Әуе қорғанысы күштері, Әскери-теңіз күштері әскери бөлімдерінің, әскери оқу орындары мен жергілікті әскери басқару органдарының әскери қызметшілері бар. Қазақстандық армияның әскери қызметшілері азаматтық борышты орындау, таңдау жасау және әрбір дауыстың маңызды екенін жете түсінеді. Сондықтан ҚР Қарулы Күштерінің барлық әскери бөлімдері, құрылымдық бөлімшелері мен мекемелері жаппай кезектен тыс сайлауға белсене қатысты.

Фото:mod.gov.kz

Читайте также