Үндістанға метеорит түсіп, бір адам қаза тапты

Zakon.kz

200 жылдан кейінгі оқиға: метеориттен бір адам қаза тапты. Аспан денесі құлаған шақта ер адам колледж асханасының жанында тұрған. Оған жақын жүрген екі студент және бағбан да жарақат алыпты.

Үндістанда жерге құлаған метеорит тиіп бір адам қаза тапты, бұндай қайғылы оқиға соңғы рет осыдан 200 жылдай бұрын тіркеліпті. Бұл туралы Reuters агенттігінің мәліметіне сүйеніп, ҚазАқпарат хабарлады.

«Метеорит колледж ғимаратына құлаған», - дейді Тамилнад штатының басшысы Жаялалит Жаярам. Оның айтуына қарағанда аспан денесі тиген ер адам қатты жарақат алып, ауруханаға жетпей қайтыс болған. Марқұм болған адам автобус жүргізушісі болып қызмет еткен. Оның отбасына оқу орны 1,47 мың доллар өтемақы төлеген.

Кейін белгілі болғандай, аспан денесі құлаған шақта ер адам колледж асханасының жанында тұрған. Оған жақын жүрген екі студент және бағбан да жарақат алыпты. Сонымен қатар, оқу орнының ғимаратына да зақым келген. Метеорит қалдығы оқиға орнынан табылды.

International Comet Quarterly басылымының жазуына қарағанда, соңғы рет аспан денесі құлау кезінде қаза тапқан адам туралы дерек 1825 жылы тіркеліпті.

Фотосурет: earth-chronicles.ru

Читайте также