Үндістанның оңтүстігінде қабыландардың көп жүруіне байланысты 100-ден астам мектеп жабылды

Zakon.kz

Құқық қорғау органының өкілдері де жергілікті тұрғындарға аса үлкен қажеттілік болмаған жағдайда үйден шықпауға кеңес берді. Ал орманшылар болса қауіпті жыртқыштарды қаладан аластатумен айналысып жүр.

Үндістанның Бангалор қаласының билігі қабыландардың келуінің жиілеп кетуіне байланысты 129 мектепте сабақтардың өтуіне тыйым салды. Бұл туралы полиция өкілдері хабарлады. Құқық қорғау органдарының өкілдері де жергілікті тұрғындарға аса қажет болмаған жағдайда үйлерінен шықпауға кеңес берді, деп хабарлайды Zakon.kz.

Өткен жексенбіде қабыландардың бірі мектеп ауласына кіріп кетіп, адамдар оны арнайы дәрімен атып ұйықтатқанша, қабылан 6 адамды жарақаттады. Соңында қабылан ауланды, бірақ осы аймақта тағы екі қабыланның пайда болғандығы жөнінде хабар келіп түсті.

Құзырлы органдардың мәліметтері бойынша, Үндістанда бүгінде 14 мыңға жуық қабылан бар. Олардың адамдардың шаруашылық мақсатындағы жұмыстарының нәтижесінде өмір сүру алқаптары тарылып, қалаға жиі кіріп кететін болған.

Фото:pix.com.ua

Читайте также