Президент Нұрсұлтан Назарбаев Алматыдағы жаңа гипермаркетті аралады

Zakon.kz

Жаңа дүкеннің ішінде 500-ден астам отандық компанияның өнімдері бар.

Мемлекет басшысы Нұрсұлтан Назарбаев Қазақстандағы ірі гипермаркеттердің қатарына кіретін Grand Park Almaty орталығында орналасқан, Carrefour гипермаркетінде болды, деп хабарлайды Zakon.kz.

Қазіргі таңда гипермаркетте 450 қызметкер еңбек етеді. Аумағы 8 мың шаршы метрден асатын орталықта 500 отандық компанияның өнімдері сатылады. Айта кету керек, Carrefour гипермаркетін Majid Al Futtaim компаниясы ашып отыр. Аталмыш кәсіпорын Африка, Орталық Азия мен таяу Шығыс елдерінде осы сынды 38 ірі дүкен ашқан.

2018 жылы Алматыда аты әлемге әйгілі Leroy Merlin гипермаркеті мен McDonalds тамақтану орталықтарының желісі ашылады. Ал соңғы бірнеше айда, Starbucks кофеханалар желісі жұмысын бастады. Әлемдік маркалы өнімдерді елімізде тұтынып, қолдануға және кәсіпкерлікті дамытуға Мемлекет басшысы Нұрсұлтан Назарбаевтың «100 нақты қадам» атты бағдарламасы мұрындық болып отыр.

Фото: www.zakon.kz

Читайте также