Индустрияландыру картасы нысандарында 2015 жылы 10 мың тұрақты жұмыс орны құрылды - ҚР ИДМ
Фото: zakon.kz
Өткен жылы енгізілген Индустрияландыру картасы нысандарында 10 мың тұрақты жұмыс орны құрылды, деп мәлімдеді бүгін елдің индустриялды-инновациялық саясаты мәселелеріне арналған брифинг барысында ҚР ИДМ Инвестициялар жөніндегі комитеттің төрағасы Ерлан Хаиров. Бұл туралы primeminister.kz жариялаған ақпаратқа сілтеме жасап хабарлайды.
«Жалпы, елдегі индустрияландырудың 6 жылында пайдалануға 3,8 трлн теңге сомаға шамамен 900 жоба пайдалануға берілді. 85 мың тұрақты жұмыс орны құрылды», - деді Е.Хаиров.
Сонымен қатар, енгізілген нысандарда аталған кезеңде 6 трлн теңгеден астам сомаға, оның ішінде 2015 жылы - 1,6 трлн теңгеге өнім шығарылды.
Оның айтуынша, 2015 жылдың қорытындысы бойынша Индустрияландыру картасы аясында 815 млрд теңге сомаға 128 жоба енгізілді, 10 мың тұрақты жұмыс орны құрылды.
Ол статистика мәліметтері бойынша тау өңдеу өнеркәсібіне 60 пайызға инвестицияның төмендеуі, шикізатты өндіруде 60 пайызға, саудада 50 пайызға төмендегенін айтты.
«Егер бір есік жабылатын болса, келесі есік ашылып, жаңа мүмкіндік пайда болады. ҚР-да мұнай инвестициялық өнімнің шығарылымы 80 пайызға өсті, машина құрылысы саласындағы инвестиция 7 есеге өсті. Азық-түлік пен сусын шығаруда 30 пайыздық өсім байқалды», - деп баса айтты Е.Хаиров.
Фото:inform.kz
