Павлодарда Қытайдан жеткізілген контрабандалық киім тиелген екі контейнер тәркіленді

Zakon.kz

Павлодарлық № 2 сот бизнесмен Нұрсұлтан Поланды экономикалық қылмыс жасағаны үшін кінәлі деп танып, мүлкін тәркіледі және 500 АЕК көлемінде айыппұл тағайындады.

Павлодар облыстық көлік прокуратурасы Қытайдан жеткізілген ерлер мен әйелдерге, балаларға арналған ішкөйлектер мен джинсы тиелген контрабандалық контейнерді анықтаған, деп хабарлайды pavlodarnews.kz. Қадағалау органы хабарлағандай, халық тұтынатын тауар қоймасын бизнесмен басқа атаумен көрсеткен. Алайда прокуратура мүлікті сақтау және тіркеу бойынша заң бұзушылықты әшкерелеген.

- Павлодарлық № 2 сот бизнесмен Нұрсұлтан Поланды экономикалық қылмыс жасағаны үшін кінәлі деп танып, мүлкін тәркіледі және 500 АЕК көлемінде айыппұл тағайындады. Сотпен "Павлодар облысы әділет департаменті" РММ-не құны 422 миллион 416 мың теңге тұратын контрабандалық заттың айналымы туралы мемлекет пайдасына қарай орындау парағы жолданған. Бақылауға алынған аймақта заңдылықты нығайту бойынша жұмыс жалғасуда, - деді көлік прокуратурасында.

Омар Еркін

Фото: pavlodarnews.kz.

Читайте также