Қазақстанда жыл соңына дейін үш жаңа автомагистральді салу аяқталады – ҚР ИДМ
Фото: zakon.kz
Республикада осы жылдың соңына дейін Астана-Теміртау, Алматы-Талдықорған және Алматы-Қорғас авто тас жолдаы салынып бітеді, деп мәлімдеді ҚР Инвесициялар және даму министрлігінің Автомобиль жолдары комитетінің төрағасы Сайранбек Бармақов ҚР-ның ақылы автожолдарын дамыту мәселелері туралы өткен дөңгелек үстел отырысы барысында. Бұл туралы , primeminister.kz жариялаған ақпаратқа сілтеме беріп хабарлайды.
«Бірінші кезекте Астана-Теміртау жолын іске қосамыз, Алматы-Талдықорған және Алматы-Қорғас бағыттарын толық аяқтаймыз. Жолдарды қолданысқа енгізу осы жылдың қараша-желтоқсан айларына жоспарланып отыр. Яғни, аталмыш үш тас жолды да жылдың соңында пайдалануға береміз», - деді С.Бармақов.
Ол бұл автомагистральдар бірінші дәрежелі жолға сәйкес келетінін және төрт жолақты болатынын, бірақ кейбір жерлерде алты жолақты болып келетінін айтты.
Еске сала кетейік, 2020 жылға дейін Қазақстанда 7 мың шақырым автомобиль жолын ақылы ету жоспарланып отыр.
Сонымен, ҚР ИДМ бейінді комитетінің басшысының мәліметінше, 2013 жылдан бастап ақылы жүйені енгізгеннен бері Астана-Щучинск тас жолы 3 млрд астам теңге жинады.
«Осы кезеңде бізге 3 млрд теңгеден астам қаржы түсті. Бюджеттен ақша бөлінбейді, себебі жол ақылы болғандықтан өзін қамтамасыз етеді. Ол қыста және жазда жолдарды жөндеу, ақауларды жою», - деді С.Бармақов.
Жақын уақытта, оның айтуынша, Алматы-Қорғас, Астана-Атбасар, Шымкент-Тараз және Шымкент-Қызылорда жолдары ақылы болады.
Фото: liter.kz
