Омбы-Майқапшағай тас жолында 225 жолаушысы бар бес ресейлік автобус кептеліп қалды

Zakon.kz

Батпақта «VOLVO» маркалы жолаушылар автобусы, «DAF» және «MAN» жүк автомобильдері батып кеткен, сондай-ақ жолдың екі бағыты бойынша келген 35 автокөлік, бес рейстік автобус кептеліп тұрып қалған.

Омбы-Майқапшағай тас жолында 225 жолаушысы бар бес ресейлік автобус шайылып қалған жолдың үстінде кептеліп қалды, деп хабарлайды pavlodarnews.kz.

Облыстық ТЖБ-ның мәліметінше оқиға 10 шілде күні орын алған. Таңғы сағат 4.29-да Лебяжі ауданы төтенше жағдайлар бөліміне Департаменттің Бірыңғай кезекші-диспетчерлік қызмет басқармасының кезекшісінен Лебяжі ауданы Ямышево ауылының маңында Омбы-Майқапшағай автожолының айналып өтетін жолда жолаушы автобусы тұрып қалғаны туралы хабарлама келіп түсті.

Оқиға орнына Лебяжі ауданының екі қызметкері шықты. Қатты жаңбыр салдарынан айналып өтетін жолдың 200 метрге жуық учаскесі шайылғаны анықталды. Батпақта «VOLVO» маркалы жолаушылар автобусы, «DAF» және «MAN» жүк автомобильдері батып кеткен, сондай-ақ жолдың екі бағыты бойынша келген 35 автокөлік, оның ішінде 225 жолаушысы бар бес рейстік автобус кептеліп тұрып қалған.

Лебяжі ауданы төтенше жағдайлар бөлімінің қызметкерлері Ямышево ауылдық округінің әкімімен бірлесіп жолды тазарту және тіркеуге алу үшін ДТ-75 тракторын іске қосқан. «АвтодорНС» АБК жол ұйымы техниканың бес бірлігімен инерттік материалды әкеліп шашты. Кептелу төрт сағаттан соң толығымен жойылды.

Ямышево аулының полиция учаскелігімен бірлесіп келіп жатқан техниканы басқа жолмен жіберу реттеді. Сағат 10.00-де автожолмен жүру қалыпты режиміне келді.

Фото: pavlodarnews.kz