Биыл ұрлық жасау қылмыстары артты

Zakon.kz

2016 жылдың 6 айында Сотқа дейін тергеп-тексерулердің бірыңғай тізілімінде 2015 жылмен салыстырғанда қылмыстық құқық бұзушылық 2,0% төмендеді (2016 жылы - 207 440; 2015 жылы - 211 715).

Кісі өлімінің саны - 11,9 пайызға, алаяқтық - 8,0 пайызға, тонау - 12,2%, бұзақылық - 38,7%, есірткі қылмыстары 9,9 пайызға азайды, деп жазады ҚазАқпарат ХАА.

Алайда, ұрлық қылмысының 7,3 пайызға (былтыр- 110 691; 2015 жылы - 103 150) өсуі байқалып отыр.

«2015 жылы қылмыстық қудалау органдары жаңа қылмыстық-процестік заңнама аясында қылмыстық істерді тергеп-тексерудің тәжірибесін жасады. Осы ретте биылғы жылы сотқа жіберу немесе ақталмайтын негіздер бойынша тоқтату арқылы қылмыстық құқық бұзушылықты тергеп-тексеру 30 пайызға артық аяқталған», - деп атап өтілген ҚР Бас прокуратурасы Құқықтық статистика және арнайы есепке алу жөніндегі комитетінің мәліметінде.

Жоғарыда аталған мәліметтерді есепке алу аяқталған істердің қатарынан жүргізіледі.

Руслан Ғаббасов

Фото: sputnik-tj.com

Читайте также