Ақтөбе облысында мектептерді оқулықпен қамту мәселесі шешілді
Zakon.kz
Биыл Ақтөбе облысында оқулықпен қамту мәселесі оң шешімін тапты. Өткен оқу жылында бұл мақсатқа облыс қазынасынан 405 млн теңге бөлінсе, биыл 713 млн теңге жұмсалды. Сондай-ақ қосымша тағы 61 млн теңге бөлінбек, деп жазады 24.kz арнасы.
Биыл қайта басылған бірінші және сегізінші сынып оқулықтары сатып алынған. Жалпы, білім басқармасының мамандары биыл оқулықтың жеткілікті екенін айтады. Қазір мектептер қолда бар кітаптарды оқушыларға үлестіріп жатыр.
Найзабек Төлжанов, облыстық білім басқармасының жетекші маманы:
- Төртінші, бесінші, он бірінші, үшінші және оныншы сыныпқа тағы да қосымша оқулықтар сатып алынды. Оқулықтар негізінен барлық оқушыларға тегін беріледі. Кейбір қиыншылық жағдай туындаған кезде, ең алдымен, біз аз қамтылған отбасының, ата-анасыз қалған жетім оқушыларға алғашқы кезекте таратамыз.
Фото: 24.kz
