Павлодар облысында бастауыш сынып ұстаздары жеткіліксіз
Zakon.kz
Павлодар облысында бастауыш сынып ұстаздары жеткіліксіз, деп хабарлайды pavlodarnews.kz. Бұл туралы бүгін облыстық білім беру қызметкерлерінің тамыз конференциясында басқарма басшысы Бақыт Бексейітова мәлім етті.
- Облысымызда бастауыш сынып мұғалімдері тапшы. Жыл сайын колледждерге мемлекеттік тапсырыс жасалып, 140 студент тегін білім алады. Биыл аталмыш мамандық бойынша арнайы орта оқу орындарын 158 түлек бітірсе, жоо-да 18 студент диплом алды. Десе де, барлығын жолдамамен жұмысқа жіберсек те, әлі де 70 ұстаз жетіспей тұр. Ұстаздардың басым бөлігі Павлодар қаласында қажет, - деді Бақыт Бексейітова. Ведомство басшысының айтуынша, бұл мәселені шешу үшін, аудан әкімдерінің грантын осы мамандыққа көптеп бөлуді қолға алу керек.
Назым Қарабаева
Фото: Рavlodarnews.kz
