Құйынды жел Жамбыл облысының 25 елді мекенін жарықсыз қалдырды

Zakon.kz

Жамбыл ауданында электр жарығынсыз үш ауыл отыр.

Жамбыл облысының орталығына жақын орналасқан Байзақ және Жамбыл аудандарында дауыл салдарынан электр тарату желілері құлады, деп жазады ҚазАқпарат.

ҚР ІІМ Төтенше жағдайлар комитетінің ресми өкілі Руслан Иманқұлов хабарлағандай, алдына ала мәліметтерге сәйкес, Байзақ ауданында 20-дан астам электр тарату желісі құлады, салдарынан 22 елді мекен жарықсыз қалды.

Жамбыл ауданында электр жарығынсыз үш ауыл отыр. Сондай-ақ онда жел ғимараттардың шатырларын ұшырып әкетті (жалпы аумағы шамамен 1500 шаршы метр). Зақымданулар Тараз қаласында да бар. «Таразда 10-нан астам электр тарату желілері құлады, жарықсыз қалған абоненттердің саны анықталу үстінде.

Жел 2 мың шаршы метр аумақта түрлі бағыттағы ғимараттардың шатырларын ұшырып әкетті», - деп атап өткен болатын Руслан Иманқұлов.

Бұған дейін хабарланғандай, бүгін түстен кейін басталған дауыл салдарынан облыс орталығында үш адам зардап шекті. Желдің жылдамдығы 35 м/с-қа жетті. Апаттық бригадалар жөндеу-қалпына келтіру жұмыстарына кірісті. Жел басылды, бірақ әлі де сақталуда.

Фото: www.inform.kz

Читайте также