Павлодарға ШҚО-дан келген темір тұлпар өртеніп кетті

Zakon.kz

Қызыл жалын салдарынан «Volkswagen» маркалы автокөлігі көзді ашып-жұмғанша күлге айналған.

Павлодар қаласы Кривенко көшесі, 81 мекенжайы бойынша орналасқан үйдің ауласында «Volkswagen» маркалы көлігі өртеніп кетті, деп хабарлайды pavlodarnews.kz.

Куәгерлердің айтуынша, оқиға 20-қараша күні шамамен таңғы алтыда орын алған. Қызыл жалын салдарынан «Volkswagen» маркалы автокөлігі көзді ашып-жұмғанша күлге айналған. Лапылдаған жалын көлік тұрған үйдің бірінші қабатындағы пәтердің терезесін де шарпып үлгерген.

- Абырой болғанда, зардап шеккендер жоқ. Отқа оранған көліктің мемлекеттік нөмірі Шығыс Қазақстан облысына тиесілі. Тілсіз жауды ауыздықтауға бір техника мен бес өрт сөндіруші жұмылдырылды. Қазіргі таңда өрттің шығу себебі мен келтірілген шығын көлемі анықталуда, - дейді облыстық ТЖД-нің баспасөз қызметінде.

Авторы: Айгерім Жанкашова

Фото: Рavlodarnews.kz

Читайте также