Өрт сөндірушілер мен құтқарушылар енді ағылшын тілінде тіл сындырмақ

Zakon.kz

Құтқарушы, өрт сөндіруші және алғашқы көмек көрсетуші мамандар екі ай бойы ағылшын тілі курсына қатысып, арнайы сертификатқа ие болды.

Өрт сөндірушілер мен құтқарушылар енді ағылшын тілінде тіл сындыра алады. Алматы қалалық төтенше жағдайлар департаменті қызметкерлеріне арнайы сертификат табысталды, деп жазады Алматы телеарнасы.

Бір айдан кейін жалауы желбірейтін халықаралық Универсиада ойындарына арналған ағылшын тілі курсы аяқталды. Құтқарушы, өрт сөндіруші және алғашқы көмек көрсетуші мамандар екі ай бойы ағылшын тілі курсына қатысып, арнайы сертификатқа ие болды. Курсқа қатысушылар болса, «шет елден келген спортышларға қандай көмек қажет екендігін сұрап, ойымызды жеткізе алатын деңгей жеттік», дейді. Сертификат Универсиада дирекциясы тарапынан табысталды.

«Қыстық әлемдік деңгейдегі 28-ші Универсиадаға қарсы ағылшын тіліні оқып өттік. Енді Универсиада кезінде келетін қонақтарға, спортшыларға өз тарапымыздан алғашқы көмек көрсете аламыз деп ойлаймыз. Осы оқығанымыз алдағы уақытта бізге көмек болады», - деді Алматы қаласы ТЖД Әуезов аудандық ТЖБ аға инженері Абай Асылбаев.

Фото: Altaynews.kz

Читайте также