Оралдағы стадион құрылысы орнынан адам сүйектері табылды

Zakon.kz

Бұл жерде қанша адамның сүйегі жерленгені әлі белгісіз.

Стадион құрылысы орнында табылған сүйектің кімдікі екенін сараптама анықтайды. Бұл туралы stan.kz, Sputnik жариялаған ақпаратқа сілтеме жасап хабарлайды.

Оралда “Юность” стадионының құрылысы орнында адамның сүйектері табылды, соның салдарынан құрылыс тоқтатылды. “Бұл сүйектер сот-медициналық сараптамаға жөнелтілді, қазір қорытындысын күтіп отырмыз: бұл адамдардың неден және қашан қайтыс болғаны анықталады. ХХ ғасырдың басы – ХІХ ғасырдың аяғында болуы мүмкін”, — деп хабарлады Орал әкімшілігі ішкі саясат бөлімінің басшысы Нұрлыбек Даумов.

Бұл жерде қанша адамның сүйегі жерленгені әлі белгісіз. Даумовтың сөзіне сүйенсек, әкімшілік оқиғаның анық-қанығын анықтауда және сараптама нәтижесін күтіп отыр. Содан кейін сүйектер қайта жерленеді.

Фото: Константин Чалабов

Читайте также