Тәуелсіздіктің 25 жылдығына орай ақындар айтысы көрсетіледі

Zakon.kz

31 желтоқсан мен 1,2,3, қаңтар аралығында «Еуразия» бірінші арнасынан алыстамаңыздар. Айтыс сағат 12:00- де басталады.

Көзі қарақты көрермен 31 желтоқсан мен 1,2,3 қаңтар күндері сағат 12.00-де «Еуразия» бірінші арнасынан «Алтын домбыра» республикалық ақындар айтысын тамашалай алады,- деп хабарлайды zakon.kz.

Ерте заманнан қалыптасқан шоқтығы биік өнер халықтың тұрмыс-салтынан сыр шертіп, дау мен тартысты тарқата білген ұлы өнер. Суырып салма ақындар мен шешендер кез - келген той томалақтар мен жиындарда өнерін паш етіп, сөзімен халықты ұйыта білген.

Естеріңізге сала кетейік, желтоқсан айының басында Иран-Ғайып Күзембаев, Рүстем Қайыртайұлы, Өміржан Көпбосынов, Қалижан Білдашев, Болатбек Мейірбекұлы, Еркебұлан Қайназар , Шұғайып Сезімхан, Жансая Мусина, Айбек Қалиев, Мейірбек Сұлтанхан, Серікзат Дүйсенғазы, Мұхтар Ниязов, Ержан Әміров, Аспанбек Шұғатаев, Нұрлан Есенқұлов, Нұрмат Мансұров, Сырым Əділбек, Мақсат Ақанов, Әсем Ережеқызы сынды ақындар «Алтын домбыра» айтысында тартысқа түскен.

Ендеше, халық өнерінен сусындап, құлақтың құрышын қандырамын десеңіздер 31 желтоқсан мен 1,2,3, қаңтар аралығында «Еуразия» бірінші арнасынан алыстамаңыздар. Айтыс сағат 12:00- де басталады.

Фото: astanafm.kz

Читайте также