Оңтүстікте қалдықтан цемент алудың технологиясы пайда болды

Zakon.kz

Жаңа технологияны дайындауға техника ғылымның докторы профессор Ж.Т. Әйменов жетекшілік жасаған.

М.Әуезов атындағы Оңтүстік Қазақстан Мемлекеттік университетінің ғалымдары «Ашполиметалл» АҚ-ы аумағында түсті металл кеніштерін өндіру барысында пайда болған қалдықтардан композициялық цемент алудың технологиясын ойлап тапты, – деп хабарлайды dalanews.kz «Мемлекеттік ұлттық ғылыми-техникалық сараптама орталығы» АҚ баспасөз қызметі берген ақпаратқа сілтеме жасап.

Жаңа технологияны дайындауға техника ғылымның докторы профессор Ж.Т. Әйменов жетекшілік жасаған.

Түсті металл кендерін өңдеуден пайда болған қалдықтарды пайдалануға қатысты ғылыми жоба құрылыс саласы мен өңірдің экологиялық мәселелерін реттеуге мүмкіндік туғызып отыр. Мамандардың есебінше, жаңа технологиямен өндірістік қалдықтарды өңдеу барысында 30 пайызға дейін портландцемент клинкерін алуға болады екен. Сонымен қатар ауға тарайтын СО2 30-40 пайызға дейін азайтуға мүмкіндік береді.

Технология Кентау қаласы маңында тау болып үйіліп жатқан өндірістік қалдықтарды иегеріп, экономикалық игілігін көруге мүмкіндік беретінін айта кетуіміз керек. Бүгінде мұнда 135 млн. тоннаға дейін өндірістік қалдықтар жиналып қалған.

Фото: dalanews.kz

Читайте также