Қазақстанның екі өңірінде тас жолдар жабылды

Zakon.kz

«Талдықорған-Қапал» тас жолының 0-76 шақырым аралығында барлық көлік түрлері үшін қозғалыс шектелді.

Еліміздің екі облысында бұрқасын мен көру мүмкіншілігінің болмауына байланысты тас жолдар жабылды. Бұл туралы ҚазАқпарат ТЖ комитеті «Құрылыс, жолаушылар көлігі және автомобиль жолдары басқармасы» ММ берген ақпаратқа сілтеме жасап хабарлады.

Жамбыл облысында 30 қаңтар сағат 23:30-дан бастап ауа райының қолайсыздығына (бұрқасын, көру мүмкіншілігінің болмауы) байланысты облыстық маңызы бар «Б.Момышұлы-Қошқарата» тас жолының 10-65 шақырым аралығы барлық көліктер үшін жабық.

Алматы облысында 31.01.2017 жылы сағат 12:00-ден бастап ауа райының қолайсыздығына (бұрқасын, көру мүмкіншілігінің болмауы) байланысты облыстық маңызы бар «Талдықорған-Қапал» тас жолының 0-76 шақырым аралығында барлық көлік түрлері үшін қозғалыс шектелді.

Фото:YouTube

Читайте также