Атырауда балабақшадан қашып кеткен бүлдіршін суға кете жаздады

Zakon.kz

Құтқарушыларға әйел адам хабарласып, “Санаторий” ауданындағы өзенге құлап кеткен сәбиге жедел жәрдеп шақыруды сұраған.

Бүлдіршін балабақшадан қашып кетіп, өзенге құлап кеткен. Оқиғаны көзімен көргендер баланы құтқарып алды деп жазады stan.kz, өңірлік “Мой город” басылымы жариялаған ақпаратқа сілтеме жасап.

Дәрігердің алдында отырған баланың суреті әлеуметтік желілерде таратылды. “Баланың аты Лёня, төрт жаста. Балабақшадан қашып кетіпті. Өзенге құлап кеткен. Әрең дегенде құтқарып қалдық. Мекенжайын білмейді. Жедел жәрдеммен облыстық балалар ауруханасына жеткізілді. Ата-анасын танитын болсаңыздар, хабарласыңыздар”, — деп жазылған суреттің астына.

Құтқарушыларға әйел адам хабарласып, “Санаторий” ауданындағы өзенге құлап кеткен сәбиге жедел жәрдеп шақыруды сұраған. Әлеуметтік желіде жарияланған жазбаның астындағы комментарийлерге сүйенсек, баланың ата-анасы табылып, үйіне алып кетіпті. Бұл ақпаратты облыстық балалар ауруханасының бас дәрігері Нұрғабыл Айтмұхамбетов те растады.

Фото: stan.kz

Читайте также