Ақтөбелік ақсақал президент Назарбаевқа қалай сәйгүлік сыйлағанын айтып берді

Zakon.kz

Екі ай бойы Ақбақай атты сәйгүлікті жаратып, қолдан ат әбзелдерін дайындаған.

Ақтөбедегі «Нұр Ғасыр» мешіті ақсақалдар алқасының төрағасы Қабден Қуандық қажы кезінде Елбасымызға Ақбақай атты сәйгүлік тарту еткенін айтты, деп хабарлайды Aktobenews.kz.

Осыдан ширек ғасыр бұрын Нұрсұлтан Назарбаев Ақтөбе облысының Әйтеке би ауданына келетін болды. Сол кездегі облыс басшысы Шалбай Құлмаханов бастаған халық қонақжайлылық танытып, Елбасыға құрмет жасады.

Қуандық ақсақал сол уақытта ауыл шаруашылығы бөлімінің маманы болған. Екі ай бойы Ақбақай атты сәйгүлікті жаратып, қолдан ат әбзелдерін дайындаған.

Жылқының жақсы жаратылғанына таңқалған мемлекет басшысы ақсақалдың қолын алып, арқасынан қаққан.

«Кездесу аяқталған соң, Елбасы халықпен қоштасып, көлігіне беттеді. Арғымақпен президент кортежінің соңынан ілестім. Тікұшақ тұрған жерге келген соң, Нұрсұлтан Әбішұлының көзі сегіз өрім тобылғы сапты қамшыға түсіп, ерекше ықыласын танытқан. 40 минут бойы аттың тегі туралы қазақы әңгіме құрып, оның жылқыға құмар жан екенін байқадым», — дейді Қабден Қуандық.

Әлішер Садық

сурет Қабден Қуандықтың жеке мұрағатынан

Читайте также