Еліміздегі 107 көмір өндіретін кәсіпорынның қызметі тексерілмек

Zakon.kz

Бұл жұмыстың қорытындысы 3 айдан кейін белгілі болады.

Көмір бағасының көтерілуіне ірі өндірушілердің тікелей қатысы бар сияқты. Ұлттық экономика вице-министрі еліміздегі 107 көмір өндіретін кәсіпорынның қызметі тексерілетінін мәлімдеді, деп жазады Алматы телеарнасы.

Былтырғы бағамен салыстырып, бағаның биылғы қымбаттауы қаншалықты орынды екені анықталады, деді Руслан Дәленов. Олар Астана, Алматы қалаларында сондай-ақ Алматы, Ақмола, Ақтөбе, және Шығыс Қазақстан облыстарында орналасқан кәсіпорындар.

Барлығы енді бағаны себепсіз қымбаттату дерегіне қатысты тексерілмек. Бұл жұмыстың қорытындысы 3 айдан кейін белгілі болады.

Айта кетсек, Қазақстанда қыркүйек айында көмір бағасы қымбаттап кетті. Өндірушілер мұны ауа райының күрт суумен түсіндірген болатын.

Фото: otyrar.kz

Читайте также