Шымкентте ер азамат үйіне келген қонақты пышақтап тастады

Zakon.kz

Оқыс оқиға Шымкенттегі 18 шағынаудандағы көп қабатты үйлердің маңында түнгі сағат он екілер шамасында болған.

Шымкентте жасы қырықтар шамасындағы ер азамат үйіне келген қонақты пышақтап тастады. Жәбірленуші бірнеше жерінен ауыр жарақат алған, деп жазады otyrar.kz.

Оқыс оқиға Шымкенттегі 18 шағынаудандағы көп қабатты үйлердің маңында түнгі сағат он екілер шамасында болған. Кешкі уақытта егде жастағы ер адам әйелімен досының үйіне қонаққа келген. Дастархан басына жиналғандар арақ ішіп отырады.

Куәгерлердің айтуынша, екі ер кісінің әңгімесі жараспай, жаға жыртысып қалған. Кейін жұдырықтасқан азаматтар көшеге шығып төбелеседі. Осы уақытта үйдің қожайыны қонаққа келген азаматтың арқасынан бірнеше рет пышақ салған.

Оқиға орнына келген полицейлер қонағын пышақтап тастаған азаматты Еңбекші аудандық полиция бөліміне жеткізді. Ал, ауыр жарақат алған азаматты жедел жәрде қызметкерлері ауруханаға жеткізді. Қазір осы іске байланысты тергеу жұмыстары жүргізілуде.

Фото: otyrar.kz

Читайте также