ІІМ "қан-жоса болған полицейлер" түсірілген видеоға түсінік берді
Zakon.kz
Желіде полицейлерді атып кеткен видео тараған болатын.
Қазақстанның ішкі істер министрлігі "полицейлерді атып кеткен" видеоның қайдан шыққанын түсіндірді, деп хабарлайды Sputnik Қазақстан.
Айта кетсек, инстаграмда полицей формасын киген екі жігіт түсірілген видео тарады. Олардың бірі қан-жоса болып жерде жатыр, екіншісін патрульдік көліктің ішінде атып кеткен. "Қашан және қайда болғаны белгісіз", — де жазылған видеоның астында.
ҚР ІІМ мемлекеттік тіл және ақпарат департаментінің директоры Алмас Садубаевтың хабарлауынша, роликтегі оқиға өмірде болмаған.
"Бұл Алматыда түсірілген деректі фильмнің кадрлары. Азаматтарға алаңдауға себеп жоқ, елдегі ахуал тұрақты", — деп сендірді Садубаев.
Осы жағдайға байланысты полиция тексеріс жүргізіп, видеоны таратушылардың қандай мақсат көздегенін анықтайды. Осыдан кейін олардың іс-әрекетіне құқықтық баға беріледі.
Фото: sputniknews.kz
Следите за новостями zakon.kz в:
Поделиться
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Сутки
Неделя
Месяц
Год
