Ақтөбелік дәрігерлер ұшақта ұшу кезінде жағдайы нашарлаған Ұлыбритания азаматшасы 64 жастағы Мұхамедий Нұрбибиді құтқарды, деп жазады ҚазАқпарат ХАА.
10 маусымда «Исламабад-Лондон» бағытындағы ұшақ шұғыл түрде Ақтөбеге қонуға мәжбүр болды. Пневмония мен диабет салдарынан жолаушыға медициналық көмек қажет болған.
Әйел өлім аузында болған. Үшінші тәулікте есін жиды. Оған гемодиафильтрация жасалды - қанын тазартты.
Төрт күн өкпені жасанды желдету аппараты қолданылды. Қазір науқастың жағдайы ауыр, дегенмен өміріне қауіп төніп тұрған жоқ», - деді денсаулық сақтау басқармасы басшысының орынбасары Самат Данияров.
Фото: severstolici.ru
