Минскіде қазақ күресінен әлем чемпионаты өз мәресіне жетті. 100 келіден аса салмақ дәрежесінде ҚР ҚМ АОСК-ның спортшысы Талғат Әміренов әлем чемпионы атанды. Бұл туралы zakon.kz, ҚР Қорғаныс Министрлігінің баспасөз қызметі таратқан ақпаратқа сілтеме жасап хабарлайды.
Шешуші тартыста ол белоруссиялық спортшыны ойсырата жеңді. Қазақ күресінен VІІ әлем чемпионатында медальдар бес салмақ дәрежесі бойынша ойнатылды.
Сайысқа әлемнің 26 елінен мықты палуандар қатысты.
«Мен Армения, Қытай, Нидерланды және Беларусьтің спортшыларымен төрт қызу тартысқа түстім. Әр тартыс күрделі болды. Барлық балуандарда жеңіске деген ұмтылыс болды. Мен үшін жеңіске жету үлкен құрмет. Дәл осы қарқында жаттығуды жалғастыратын боламын. Алда орындалуы қажет талай тапсырмалар тұр», - деп шешуші жекпе-жектен кейін АОСК-ның спортшысы Талғат Әміренов ойымен бөлісті.
Фото: www.mod.gov.kz
